S2 Waterfront

今日入咗西貢，同男朋友去郊遊一下。我地先去左橋咀島曬太陽睇下玩遊山玩水，之後出返嚟係西貢市中心落船，諗住去周圍行下，食個下午茶，入咗間餐廳，間餐廳我估係新嘅。裝修以白色為主，好乾淨好配合夏天既同埋海邊嘅感覺。

去到同一個男士講我哋兩位，之後佢YARP一YARP手扔我去埋一邊，我地先自己坐低喇。佢返轉頭比餐牌我地，我地睇左陣就再叫另一個人的落單。我哋叫左炸薯條，炸雞翼， 同埋Italian tomato bruschetta。 侍應聽到個個餸名之後(因為男朋友講英文)佢表現得超級不耐煩就搶咗佢個Menu，隊比仲我叫我重複一次。 之後一句唔該或者多謝都冇講就拎個餐牌走，極度超級反感。

雞翼配薯條，薯條表面上的炸好左但係入邊其實未熟透，雞翼係炸到肉質好嫩滑好多汁嘅，同埋雞翼皮炸到好香脆

Italian tomato bruschetta，個麵包係急凍貨，唔係新鮮整出嚟， 但係呢佢地將個麵包toast 過所以都唔係難食番茄切成一粒粒，同洋蔥撈埋橄欖油，醋同乾香草，好清新，好適合我地郊遊完一日食。環境好舒服，好新淨，但係如果服務員可以開心啲，有啲笑容，會令客人開心啲，就更好啦。