Korean BBQ Restaurant SSam

Korean BBQ Restaurant SSam

話說80後我依一個吃貨係好愛芝士，韓風吹起左芝士豬排骨風，一直都好想食，今天朋友話佢搵到間想食，所以就一起3人去試下，咁就中伏了。。。。。。。

8pm打電話去嗰餐廳睇下幾點有位，因為依家啲韓國餐廳都是好full下。打到去，話有位.......心有一秒不安，（復活節前夕），不過都照去咗。8:30pm餐廳有幾檯淨，半滿，心諗應該都ok，先叫咗個芝士骨，再慢慢睇menu。好快侍應送左上黎，5碟前菜，食完佢地就唔會refill架喇，d Kimchi係幾好食既。

最後叫咗海鮮石頭飯，韓式芝士豬排骨配年糕，泡菜煎餅，韓國炆牛肋骨煲。

海鮮石頭飯，海鮮係雪藏嘅，八爪魚同蔬菜好un。飯質ok，韓式辣醬正中。

泡菜煎餅，好油好軟，粉味好重，一啲都唔脆，無咩泡菜味。每人食咗一塊，之後無掂過。

韓國炆牛肋骨煲，牛肋骨好un，味道係唔錯但係好油，栗子唔淋。做乜啫…

韓式芝士豬排骨配年糕，3 個人叫咗small size，大約有7件排骨，排骨有少少辣，幾嘢味，侍應幫我地捲啲排骨，首先每人分一件，之後將芝士捲哂落啲排骨到，侍應捲完個爐就會熄左佢咗，啲芝士好快硬返，所以我地自己開返個爐，整返熱佢先食。

我唔知係唔係因為就快收工，冷氣好似熄咗，變得勁熱同啲嘢食hea住煮，所以我地都拿拿冧，比錢走人。

如果你係只諗食芝士豬排骨，你可以想下依一間。又或者叫個啲我地無叫嘅，安全啲。