山度士葡式餐廳 Comida Portuguesa O Santos

山度士葡式餐廳 Comida Portuguesa O Santos

[去澳門唔食葡餐你唔會周身體唔自在咩？B]

今次黎到官也街嘅山度士葡式餐廳，8鐘到佢話滿咗要等到8點半。所以係附近行咗一陣，返去就有檯lu。

叫咗八爪魚沙律，葡式炒蜆，燒乳豬。侍應送上熱辣辣嘅豬仔包，都係外脆內軟，搽牛油，好好味！ 好快侍應又上哂全部餸。八爪魚沙律，八爪魚煮到好已經趙頭，配埋洋蔥，綠橄欖，橄欖油，檸檬汁，感覺好開胃。

葡式炒蜆，食唔到沙，但係有幾隻未開哂，同埋如果可以再加多啲檸檬汁就好啲喇，炒蜆係鑊仔上嘅所以唔係好熱，但是份量喺偏少，所以好快就清得乾乾淨淨，如果唔係凍咗唔好食。

燒乳豬係全晚最好食嘅，皮脆肉嫩，乳豬可以配上炸薯條，但係你都可以轉沙律，酸酸地，感覺清新啲，减少咗油膩感，幾好！個皮燒得超薄好脆口，皮下面亦都冇厚厚既肥膏，肉質好juicy好滑。

要食好味嘅葡餐，有更多嘅選擇，山度士葡式餐廳我覺得而家係一個旅遊景點多啲。