依家有啲餐廳做咗遊客生意之後，品質就下降，但係金華多年如一。是日係假期嘅第一日，約咗我美人母親，行下花墟！但係先去咗，太子食個午餐／下午茶先。行入金華等咗1-2 分鐘，就已經得坐啦！（茶記快嘅速度可以反映係香港人工作嘅速度，快靚正！驕傲中）
先叫咗嗰午餐B，金華豬扒配番茄汁，個餐係跟嘢飲同湯嘅，例湯係椰子蘿蔔湯，應該係無味精。38蚊（凍飲加2蚊）公道嘅價錢。茶記嘅味道，無咩特別。完～
重點係脹卜卜嘅菠蘿油！
菠蘿包烘到表面金黃色，見到都知道係好好好好脆嘅！！！問咗侍應囉把刀，諗住同媽咪share，侍應見到就問我地，洗唔洗幫手切呀，嘩緊係好啦！！！諗唔到有茶記有咁好嘅服務！！！！！！菠蘿包夾住鮮牛油，新鮮嘅菠蘿包溫度將厚牛油熔喺裡面，牛油嘅香氣超級誘惑，同菠蘿包嘅味道超夾！！！！
下次會試下芝士西多士，見到人地食得幾開心
沒有留言:
張貼留言