科記

其實大家有留意嘅話，就可以發覺到80後去上環食嘢多咗。就係因為80後轉咗工，依家喺上環返工喇！（90後表示：我捨不得你～yeah yeah~~~）今日呢就去咗好出名食豬扒飯嘅科記try try 喇！

去到嘅時候就係正正午飯嘅時間，全場滿座，就算係得我一個人都要等咗大概15分鐘先有位。即刻叫返個豬扒飯，仲諗住問吓有冇湯飲，但係夥計話已經賣晒啦，唯有下次啦。

個飯到咗嘅時候發覺碟飯冇菜嘅？！原來係因為我自己低能叫錯左，見到對面果個勁多菜，葡萄！豬扒去炸得好香脆，味道好好，一啲都唔乾，配上簡單嘅豉油，就咁就隊左成碟飯落肚。超級正！

下次一定要早啲嚟試埋個湯，同埋叫時菜豬扒飯。仲有仲有見到佢哋既有蕃茄汁既飯都好似好正咁，一定要再返黎試！


科記咖啡餐室
上環蘇豪荷李活道200號J-K舖