上到去見到燈光都幾有feel，不過帶位入去位侍應就有d茶記既感覺哈哈。入到去間餐廳冇咩人，得3枱人左右，但就全部擺哂係同一個area。
我地叫左lunch set，一個係曙光汁干貝扁平麵，另一個係乳酪鮮蝦燉飯。
先黎個意大利雜菜湯，個湯好足料，有大量既蔬菜同紅眼豆，好豐富既蔬菜味，亦都好有咬口。
跟住黎個salad，d菜都算新鮮，但係個麵包粒就真係好好好好硬，硬到咬唔到。
個意粉同個飯係個salad 食到一半既時候已經黎左，有趣一提，個飯黎既時個侍應話噢唔好意思個飯擺斜左，我提一提返個廚先。
意粉個曙光汁係好似龍蝦汁咁，個意粉少少硬，係al dente，不過個元貝有少少乾。
個飯就正正常常，硬硬地既意大利飯，share 黎食幾啖食完。
個紅茶就係普通茶包紅茶。
總括黎講係正正常常，冇話特別超卓，份量比較少，如果男人食實唔夠飽。
沒有留言:
張貼留言