不過唔知點解一見到浦燒饅魚定食我就覺得條饅魚呼喚緊我,所以我就揀左饅魚定食,盛惠128蚊。
咁上下價錢既lunch,緊係要有返咁上下質數啦!饅魚切成四楷,每舊都有肥大肉厚既感覺。同埋最令人驚喜既係,佢咬落去係脆既。唔係話成塊皮都係脆咁誇張,但係你見到圖比較深色既部位呢,果到就會脆脆地。同平時就咁咬落去成舊林batbat果d唔同。d肉質都好滑好厚。very nice!
至於左下角果碟西蘭花沙律,佢個沙律醬好重既花生醬味,好似食緊花生醬西蘭花咁,好有趣。
至於我對面果位吃貨,就揀左自選7款壽司連湯烏冬定食。不過係佢剔壽司既時候,侍應就話佢知今日冇海膽,oh~~~冇得食海膽。佢最鐘意食既就係吞拿魚,不過今次d吞拿冇上次佢食咁大舊,有少少失望。但係仍然保持新鮮同好食。呢個定食盛惠148蚊。
埋單有個驚喜,就係唔知點解有85折哈哈。然後再再多個驚喜,就係原來仲有甜品,係芋頭味雪糕糯米糍,不過就岩岩係雪櫃拎出黎,超硬,要等一等先食得。
沒有留言:
張貼留言