三田製麵所

黎到排長龍既 三田製麵所 食沾麵

仲係銅鑼灣既90後冇左80後bb就要自己搵食喇! 呢間三田新開後就一直要排長龍，咁我都唔執輸，緊係要去食！不過lunch time一定排唔切，所以就叫好得閒既fd排定先。去到已經入得。

張相係放工時補影

坐低叫左個中既麵，原味湯。佢大中細麵都一樣價錢，但係我諗大會太飽，所以叫個中，點知食完個中都係超級飽。

麵質厚身，個汁幾杰，令到個麵好上汁。個汁亦有好濃既魚味，仲幾咸下添，我唔會話佢好食。我夾起一箸時係一半沾一半唔沾，我覺得沾哂太濃味。叉燒都幾鞋下。仲叫左個餃子，個餃子就好食喇！熱辣辣個皮又脆脆地咁！ 總括黎講短期內都唔會再食，起碼唔值排咁耐先。

我上個禮拜去食真係要排好耐，起碼要打一個圈，但係今個禮拜已經得返7,8個人，熱潮退得比較快。



三田製麵所
銅鑼灣登龍街1號金朝陽中心2期 Midtown 地下D號舖                                            

Little Burro

今日放工就去咗上環嘅little burro食晚飯，我叫咗個Rice Bowl，大大碗！裏面我揀咗lime cilantro rice同chicken.。首先講吓其實係墨西哥，係完全係會搵唔到依一樣嘢食架啵。我本身期望好大架！因為我係喺美國佛羅里達州返嚟，嗰邊有好多美國x墨西哥嘅嘢食好好食，所以我真係想食返果時好好食既味道！

講返個碗飯，飯係比較淋一身，好細粒既飯，好濕，一啲口感都無，完全冇cilantro同埋lime 既味道！係美國食嘅嘅時候，通常d雞係一粒粒，但係呢度係手絲雞嚟架，應該係好嫩滑先岩架麻，但係佢鞋冇朋友囉。

另一樣食既就係牛油果醬同埋粟米片
牛油果醬完全冇牛油果嘅香味，係可以話無味！！粟米片又唔係粟米片味。唔知食緊咩 -__-

完全中伏。唔會再幫襯喇

Little Burro
上環差館上街1號

科記

其實大家有留意嘅話，就可以發覺到80後去上環食嘢多咗。就係因為80後轉咗工，依家喺上環返工喇！（90後表示：我捨不得你～yeah yeah~~~）今日呢就去咗好出名食豬扒飯嘅科記try try 喇！

去到嘅時候就係正正午飯嘅時間，全場滿座，就算係得我一個人都要等咗大概15分鐘先有位。即刻叫返個豬扒飯，仲諗住問吓有冇湯飲，但係夥計話已經賣晒啦，唯有下次啦。

個飯到咗嘅時候發覺碟飯冇菜嘅？！原來係因為我自己低能叫錯左，見到對面果個勁多菜，葡萄！豬扒去炸得好香脆，味道好好，一啲都唔乾，配上簡單嘅豉油，就咁就隊左成碟飯落肚。超級正！

下次一定要早啲嚟試埋個湯，同埋叫時菜豬扒飯。仲有仲有見到佢哋既有蕃茄汁既飯都好似好正咁，一定要再返黎試！


科記咖啡餐室
上環蘇豪荷李活道200號J-K舖                                            

Flint Grill & Bar @ JW Marriott

今日去咗金鐘JW Marriott 慶祝朋友仔生日，去試試佢地扒房嘅扒！雖然遲咗幾日但都要補祝下既。

本身book咗枱，上到去5/F，環境唔錯，不過睇到出面小小view咋淨係，因為夜晚係睇唔到啲咩

佢地有daily special! 當晚有Chilean seabass, steak tartar 同Dover sole 係八十後嘅最愛。(覺唔覺我好似最愛左好多野:P) 但當然係要睇下壽星女想食咩啦！ 最後我地三個人（我，壽星女，壽星女男朋友）叫咗2個前菜，龍蝦湯(lobster bisque) 同廚師沙律（chef's salad) 。主菜 叫咗36oz T Bone steak! 個扒係跟2份配菜， 有沙律同fat chips 我地再叫多2份配菜，有asparagus 同 時菜

我地同我地嘅server 講我地係share嚟食，佢好細心地為我地安排左3個碗去分湯，成晚我地嘅server 都好細心，雖然有啲唔太清楚menu ，但其他我都比足100分架！

暖暖嘅餐前包，外面脆脆地，配灑咗海鹽的牛油，好好味，但係一定要暖暖地嗰時食，唔係就會好快變乾同有小小硬。

龍蝦湯(lobster bisque)
超級濃郁既龍蝦湯，雖然係有配上truffle ，但佢個龍蝦味好濃，完全蓋住左truffle 既香味，落唔落都無所謂啦。

廚師沙律(chef's salad)
𥚃面包括有Buffalo Mozzarella, Iberico Ham, Heirloom Tomatoes and Fresh Figs. 好清新嘅一嗰沙律，用左唔同顏色嘅番茄，超級清脆，沙律汁份量岩岩好。

當晚嘅重頭戲黎啦！John Stone organic Irish T-bone 36oz 完全唔知到咁大台戲! 有專人推架車仔，係我地面前切個扒， 呢個moment 我覺得成間餐廳既目光都聚焦哂落我地到哈哈

因為我地有人唔鐘意食咁生同血淋淋既扒，所以我他叫左七成熟。可惜......我諗呢個就係敗筆......雖然仲係好juicy， 但肉質唔係好嫩，但牛肉味仲係好濃既。下次試下生啲先。如果你諗住叫7成喺變咗5成出嚟嘅，咁你就你錯喇～廚師將你想要嘅熟度，係會煮到係好精確架，所以都係放心叫你想要嘅熟度啦！

當我email 佢地做reservation 嘅時候，我要求了一個有birthday message 的dessert plate, 佢地亦安排到,好高興,佢地仲寫得好靚Tim 。

我的廚師朋友Chef Sven Wunrum 仲送咗2個dessert比我地 ，所以我地總共有3個desserts

Apple Tart (餐廳經理 真心推介)
撻底好香脆，蘋果煮得剛剛好，唔會太淋，配對雪糕，唔太甜，我好鐘意！


Lemon Crepe Soufflés
食咗一口，冇咩感覺，酸酸甜甜，冇食落去

profiteroles
profiteroles 係同平時嘅好唔一樣，侍應將係呢面前倒朱古力醬，一啲都唔甜，超級濃嘅朱古力味，好正呀！！！！！

其實Flint Grill & Bar係一間美國餐廳，但係個chef sven 就係德國人黎。四月尾既時候就係白色asparagus 既時節，到時chef會帶入黎flint! 到時我一定會再黎食！因為白色asparagus 真係好好食架！！


最後埋單....

Harbor Grand Cafe

今日同幾位姊妹去在一間酒店食自助餐，間酒店就係喺炮台山既海逸君綽酒店，我去上左3樓食自助餐。之前我幾位姊妹都有去過呢間到食自助餐，佢哋推介蠔同埋龍蝦，話呢兩樣野好新鮮喎，咁呢樣野就係我呢個80後最鐘意食架喇，所以我就叫佢地帶埋我去食yeah！


我去到嘅時候我啲姊妹已經到咗大概半個鐘，佢地已經食咗好多喇！D: 我一去到，緊係嗱嗱臨去搵生蠔同埋龍蝦啦緊係！

首先食咗個龍蝦係波士頓龍蝦，係有鉗嗰 隻，肉質好un，冇咩鮮味。

生蠔係即開嘅，每人每次可以攞三隻，我攞左兩次，總共食咗六隻。我唔鐘意落太多其他調味料，我淨係落咗檸檬汁，唔錯都幾新鮮，生蠔味唔係好重嘅。

反而長腳蟹鮮味比較重，肉質都好嫩滑。

魚生方面我淨係食咗三文魚同埋帶子，依兩樣野都好鮮甜好味！

食熱盤都有唔錯嘅選擇。最吸引我嘅就係當然係燒牛肉啦，會有專人幫你切，嗰個人切嘅時候已經覺得有啲un，到食嘅時候就覺得其實肉質都OK，但係都乾左少少，要落多啲汁補救返。煎鵝肝都唔錯但係又係比較乾咁囉。 講一講天婦羅，個粉漿都幾厚下，講真可以唔洗試，留返個肚食其他野好過！。我有食左幾次嘅就係北京填鴨，燒得真係唔錯，個皮好薄好脆，唔會有太多油，好正，肉質仲係好嫩滑！

甜品當然唔可以少得就係雪糕，我全部朋友都瘋狂食咗大概有三球，但我本人對雪糕冇乜興趣所以我走左去食豆腐花，豆腐花超級滑，同埋有超濃郁嘅豆味，超級正，其他嘅甜品中規中矩，太飽既話都冇話一定要食。


Harbor Grand Cafe
北角油街23號港島海逸君綽酒店3樓

Babbo Trattoria

呢日既lunch 想食意大利野，所以就去左開左冇耐，係二千年廣場5樓既babbo Trattoria。
上到去見到燈光都幾有feel，不過帶位入去位侍應就有d茶記既感覺哈哈。入到去間餐廳冇咩人，得3枱人左右，但就全部擺哂係同一個area。

我地叫左lunch set，一個係曙光汁干貝扁平麵，另一個係乳酪鮮蝦燉飯。

先黎個意大利雜菜湯，個湯好足料，有大量既蔬菜同紅眼豆，好豐富既蔬菜味，亦都好有咬口。

跟住黎個salad，d菜都算新鮮，但係個麵包粒就真係好好好好硬，硬到咬唔到。

個意粉同個飯係個salad 食到一半既時候已經黎左，有趣一提，個飯黎既時個侍應話噢唔好意思個飯擺斜左，我提一提返個廚先。

意粉個曙光汁係好似龍蝦汁咁，個意粉少少硬，係al dente，不過個元貝有少少乾。

個飯就正正常常，硬硬地既意大利飯，share 黎食幾啖食完。

個紅茶就係普通茶包紅茶。

總括黎講係正正常常，冇話特別超卓，份量比較少，如果男人食實唔夠飽。

Soi 18 Thai

LUNCH TIME!!!!! 咁好天... 搞到人好想去泰國陽光與海灘一下，點解！！點解放假就落雨，但係返工就咁好天！！！Tell Me WHY!!!!!!!!!!!!!!　咁就唯有去食泰國菜補返數啦！今日我地去左試下世貿中心１３樓既SOI 18食泰國菜喇。

原來佢同另一間日本野係一齊，所以去到門口就問我地食泰國野定食日本野。等左幾分鐘佢就帶我地入去。不過晏晝兩點半有人包左PRIVATE PARTY 所以只可以食到兩點半。我地LUNCH TIME都係去到2點左右，所以冇所謂啦。

LUNCH SET 好似都係80-100蚊左右，但係包埋前菜，湯，野飲，甜品，咁多野食所以都唔算貴。我地揀左炭燒雞飯同黃咖哩牛腩飯。

個湯正正常常，前菜都幾好食，個粉絲酸酸地好開胃，仲有個炸魚餅。仲有野飲都黎左，我地都叫左龍眼冰，唔係好甜，不過勁多冰杯野好凍。

炭燒雞要等15分鐘，所以先食咖哩先。黃咖哩少少甜，有辣既回味，味道岩岩好，牛腩好林好入味，薯仔硬度適中,但我個人鐘意食林D既薯仔。個咖哩撈飯VERY GOOD，搞到食左好多飯。

之後個炭燒雞排VERY GOOD，個皮好脆，雞肉好嫩，仲要熱辣辣，好好食。推介推介。

食到接近兩點既時候，頭先講過佢地２點半有PARTY，所以佢地點9開始已經將D枱拉黎拉去，好嘈。跟住到兩點時候PARTY D 人已經到左好多，佢地企係中間SOCIAL，佢地就SOCIAL 得好開心，我地係隔離就覺得好騷擾。又話兩點半既....

所以我地拿拿聲叫佢上埋甜品，椰子大菜糕，呢個糕唔太好食。要負評個糕。

不過係我地唔好彩姐，如果冇呢個PARTY 呢餐絕對係GOOD EXPERIENCE。

Carbone

Carbone

今次同幾個女朋友去咗蘭桂坊LKF Tower 9/F 食家庭式嘅意大利菜

意大利人食飯同中式我地叫小菜都差唔多，會叫好多碟但每碟都好大份，然後大家一齊share黎食。雖然係意大利菜，但係間餐廳係由紐約嗰邊過嚟嘅，餐廳所有侍應都着住名設計師Zac Posen  設計嘅制服。

一行入餐廳就會見到兩位靚女hostess， 佢哋會帶你進入另一個世界。Carbone嘅裝修跟足紐約嗰邊，用左木板，紅色凳，黑白色地磚，超級懷舊，就好似入咗God Father  套戲入邊咁。

餐前小食有意大利salami腸，Parmesan 芝士，蒜蓉包

呢味Carpaccio Piemontese ，生牛肉配合Truffle oil ，味道好夾，呢個天衣無縫嘅配搭好快就食晒啦

Baked clams，佢有三隻味道，有香草麵包糠 oreganata breadcrumbs、海膽 sea urchin 、胡椒同煙肉 casino style with bacon and pepper。侍應會幫我地分咗一人一隻，我自己最鍾意就係海膽個隻，兩種海鮮既鮮味出哂嚟。

Spicy Rigatoni Vodka，呢個簡直係Carbone的名菜，你可以見到很多reviews 都有寫依個菜。佢用左自家嘅粗管通粉煮到 al dente，加埋忌廉番茄醬同提升口感嘅辣味，香滑濃郁，非常出色。

呢味Meatball，又係另一個招牌菜。比起廣東嘅肉丸佢比較淋身，但係肉質仍然非常之豐富。入邊嘅調味料配合得非常之好，加埋番茄醬酸酸甜甜，鮮味十足，食過返尋味。

最後侍應會推甜品車到我哋嘅枱邊，介紹佢哋有嘅甜品。我哋因為食得太飽啦，淨係揀左一個lemon cheesecake就算。 Cheesecake 香濃軟滑，帶有檸檬的清香，唔錯唔錯。

9/F, LKF Tower, 33 Wyndam Street, Central, Hong Kong
Phone: 2593 2593

La vache

La vache! 餐廳都幾FULL下，各位最好就要ＢＯＯＫ定枱喇！唔ＢＯＯＫ既或者六點零鐘就到餐廳攞位啦
餐廳佈置似法國既小型扒房，燈飾陰暗，岩哂拍拖去浪漫一下。
La vache 獨沽一味，淨係買牛扒冇乜其他野 侍應先問客人想要牛排要幾成熟，再上埋沙律 沙律菜好FRESH加埋walnuts 非常爽脆，Dijon mustard醬汁唔會太多，岩岩好 另外再上既牛油與法國麵包baguette就 中規中矩

侍應收沙律咗碟，之後會放在一個鐵架上，鐵架下面點左兩個蠟燭，再放我哋之前所提嘅牛扒上去保溫 牛扒係用咗美國嘅rib eye，脂肪重但係比較juicy，味道都比較濃， 同埋肉質都好嫩 跟住牛扒碟上嘅係béarnaise sauce， 依個醬比較濃所以我淨係點咗小小Dijon mustard。 食食吓期間呢侍應呢就會為你添加炸薯條 話明係french fries la vache，佢 嘅炸薯條都係幼嘅 用咗牛肉嘅脂肪去煮好香脆。

佢上既時候已經切左比你架喇

因為食得多炸薯條飽曬所以冇食到甜品，侍應係會將甜品架推到你張枱，然後你慢慢睇再選擇，不過真係太飽喇，真係食唔落，就算吧。

http://lavache.com.hk/
48 Peel Street Central, Hong Kong