曲奇四重奏!

終於我有得試下曲奇四重奏!今日買咗一盒共有九款味道，包括高纖五穀籽曲奇、黑白芝麻曲奇、朱古力曲奇、川椒榛子曲奇、咖啡合桃曲奇、夏威夷果仁曲奇、牛油杏仁片、牛油酥條及蛋香曲奇。曲奇是全人手製作，加上用料好，所以一啲都唔平。曲奇牛油味好重，好酥脆，好香口，甜味剛剛好。夏威夷果仁曲奇係我最首選! 

P.S. 賣cookie嘅小姐，服務態度非常好！！！ 值得一大讚！！！

銅鑼灣翠華

翠華改左menu之後，沙嗲肥牛河已經冇左.... 嗚
咁都不得只，佢仲要加左價！！本身已經好ｑ貴架啦，而家仲貴！
（９０後按：冇乜事幹我都唔會走去食翠華，性價比真係唔掂囉）
不過唔坐都坐低左，就算ｑ數啦照叫
侍應姐姐叫我可以試下沙嗲牛腩河，我都唔想諗野喇就ｏｋ啦，再加多個墨魚丸。

頂!今次真的中伏鳥...

沙嗲湯冇味不得只，個牛腩又超韌！墨魚丸同個河粉粉就正正常常咁啦
翠華呀翠華，我由細食到大既翠華係邊呀，你要蝦ｄ遊客都算，保持水準得唔得先？

題外話我另一個最愛牛肩扒由８０蚊加到９０蚊，又唔見我份人工加？

Pirata - Restaurant week

Restaurant week 又黎啦! 今次係sassy.com的guest list 可以早啲開始book位。
今次呢主要目的就係想黎依間意大利餐廳，因為之前一直book都是book唔到。所以今次見到Restaurant Week，有依一間餐廳80後立即約90後去撐枱腳。（有好野當然要第一時間約可愛的90後去食啦）

喺上網嘅時候已經見到個Menu係好長篇，以為係每個系列選擇一樣，原來唔係頭盤個三樣全部都有得食，tapas style，當中有白酒煮青口，M.M.M (my mamma's meatballs) 同蘆筍Flan。之後嘅pasta同埋主菜都係有兩款選擇所以我同90後一人選擇一個，所以好完整地食晒成個menu。

點好Menu嘅之後我哋想睇下嗰野飲menu啦，Pirata的店主Manuel介紹咗90後緊一個refreshing嘅cocktail，但係完全無話俾佢聽cocktail係用啲咩野去整嘅，仲要拍晒心咁講話如果佢唔鍾意個杯cocktail，今晚我哋兩個人嘅晚餐就入佢數，嘩！好有型呀！ 咁我哋就叫咗嗰杯嘢飲啦同埋80後就好快咁叫咗杯甜白酒。

好快90後嘅cocktail 就到咗啦，90後一飲之下，想扮唔鍾意都唔得，因為好好飲，完全符合佢想要嘅，一問之下發現，cocktail嘅base係Bombay Sapphire, 用咗蛋白、檸檬汁丶一些野莓，叫做Philadelphia! 真心係推介！

先來上檯嘅就係M.M.M (my mamma's meatballs，外國人嘅肉丸比起亞洲人肉丸來講比較鬆軟，肉汁比較豐富，加入一啲麵包碎，為求吸咗個啲肉汁同埋配上嘅醬汁。意大利人比較多數用上自家製嘅番茄醬。今次依個肉丸肉味香濃，酸酸甜甜嘅蕃茄在感覺新鮮配合得好好，分量方便非常大總共有三粒肉丸完全冇因為係特價Menu而減料。第二上檯嘅就係asparagus flan依一味餸係香港比較難食到，口味係似一個好鬆軟的海綿，黑色入口嘅時候口裏面充滿住asparagus 嘅清香，個底即係芝士白汁好香濃的芝士味超正！80後同90後啊食咗成籃嘅麵包去點個芝士醬，好似幫人洗左隻碗咁。最後tapas頭盤就係白酒煮青口，青口本身個學就唔係好細隻但係都唔係大隻嗰啲嚟嘅，但煮咗出嚟之後青口肉變得好細，應該係用雪藏貨。味道來講不過不失沒有什麼特別。

Pasta 有兩種分別就係 Pappardelle Duck Ragu 同埋Tagliolini with Black Truffle，兩種pasta都係自家製嘅，食得出好香嘅麥味同蛋味，住得啱啱好唔會太𣺉都唔會太硬，唔會好似係意大利食嘅pasta咁al dente。重頭戲真係要講下嗰個黑松露意大利粉，意大利粉一上台松露嘅味道已經離遠都聞到，仲要喺意大利粉上加上好多好多黑松露嘅薄片，立刻心心眼，食落去完全冇失望，個口完全充滿着黑松露嘅香氣，味道好清，唔會太過火。真係值得一讚！ （但記得一定一上台就要食，如果唔係啲pasta就會黐埋一齊)

食到嚟到依一刻，真係飽到上心口。但係仲有主菜同甜品仲未上。主菜包括：The butcher's cut (flank steak) 同埋 Eggplant Parmigiana. flank steak 係好juice嘅牛扒之一，好𣺉而且肉味濃郁！上枱是你可以見到肉係比較散嘅但係食落去一啲都唔會太多血水。而Eggplant Parmigian就好似eggplant lasagna咁，一層番茄醬一層芝士一層茄子，茄子做到不太𣺉pat pat，但是因為太飽所以試咗就沒有食落去。90後包咗去作為明天嘅午餐。

終於到最後嘅甜品啦！首先要介紹一下90後一食入口就大叫好好味呀！媽咪呀！嘅 Panna Cotta 80後都試下先，依據真係好滑，奶味好重，而且上面個野莓果醬做得剛剛好唔會太甜，而且唔會太酸match 返奶凍的甜，正! 相比之下我對 [Crush Chocolate and dry nuts Semifreddo] 覺得簡單咗啲，一些朱古力碎，合桃碎等層次豐富， 甜味剛剛好。

喺依到買單，佢地會比個木盒仔你，話明比你知張單是不包10%，人地做得咁好你識做啦，記得要比tips呀。

Foxtail & Broomcorn 2

又黎呢到食lunch，上次食左東京Tokyo熱湯面，今次就try try 個凍面先，叫Hoi An 會安($98)
個底係出面好少會食到既魔芋絲，加埋酸酸甜甜，類似泰式同越式既汁，仲有醃左既青瓜絲，蘿蔔絲，非常醒晨再加ｄ花生碎，炸蔥頭脆脆令到佢有更多口感同香。提提大家入面有超多莞茜同蒜，唔鐘意就記得走喇。

面頭有件大大舊既三文魚，用雲呢拿處理過，半生熟，入口即溶，超嫩，完全係我最想要既texture。如果三文魚唔新鮮，一定會有ｄ腥，但係佢就一ｄ都冇喇。不過佢ｄ芝麻醬太濃味，cum 左三文魚既雲呢拿味。

Foxtail & Broomcorn 標榜冇味精，但唔知係唔係太多蒜同魚露，食完後好口渴呀！！要飲番好多水！呢一點可以搞搞佢

小王牛肉麵

小王牛肉麵

80後見到朋友仔喺ig post咗張相小王牛肉麵好似好好食咁所以就去咗食個毒L Lunch

今日是星期三食晏時間嚟到銅鑼灣世貿，唔係好多人，我即刻已經有位坐啦，唔需要等位。 [心理有啲不安，唔知會唔會中㐲]

坐低咗之后佢會比張紙你點，我叫左半筋半肉麵依一個係小王既招牌麵。

牛肉炆得好稔唔會黐牙，牛筋口感剛剛好唔會太𣺉，兩樣野都好入味。本來以為湯底淨係濃牛肉湯但是原來有藥材味道的湯，比起淨係牛肉湯更好飲，有啲朋友仔好唔鍾意有藥材味但依一個真係好易入口，感覺好似好補身，不防試下。麵係有粗麵同幼麵，我揀左粗麵對我來講好硬，下次會試吓食幼麵，不過不可提係麵質好滑絕對有水準。

口痕嘅我叫咗個鹽酥雞，上菜時睇落非常乾身，同熱辣辣，炸粉非常薄，食落肉質一啲都唔乾同埋鬆軟，超正！

原來睇睇下小王牛肉麵係米之蓮推介嘅果然有返咁上下。

Angelina

當80後係瑞士讀書時常常等平機票 (5euro都搭過) 去窮遊一返，80後最鍾愛就是巴黎。

近日我的台南閏蜜到港看看我，我一定要帶佢去我地之前去巴黎既時候，去過CAFE ANGELINA食甜品啦 (佢係甜品愛好者)，巴黎ANGELINA 係Rue De Rivoli 個間連COCO CHANEL都成日去架！所以今次呢位閏蜜黎香港搵我，我就同佢一齊係香港呢間ANGELINA食佢最鐘意既甜品。

我地兩個坐係窗邊，一路睇住維港一路歎甜品。
我叫左個Mont Blanc 同凍朱古力,佢就叫左Lemon tarte 同咖啡
個Mont Blanc 講真就有D失望架喇，個底太濕，唔似係巴黎食到既味
栗子蓉呢就係我係香港會一直避免既，因為次次食落去都好似假假地咁有Ｄ怪
但ANGELINA真係食得出佢係真栗子整出黎，同埋好滑。但香港比巴黎試過既乾身，我諗應該係天氣既關係或者放係雪櫃太長時間。

朋友既LEMON TARTE 佢就話不過不失啦
唯一唔變既就係杯凍朱古力，夠濃夠滑
希望我地有一日可以一齊去番巴黎果間到食啦

(下面個啲係之前喺巴黎ANGELINA CAFE嘅相)

土司工坊

今日約左90後食LUNCH，不過我太早到喇，11點幾就到左銅鑼灣喇！
今朝未食早餐，有Ｄ肚餓，就去左時代廣場既土司工房食Ｄ野先！
叫左個咖央三文治走牛油，跟餐既話會跟２隻蛋，但陣間仲要食晏就唔食咁多喇我，所以我單嗌頂一頂肚就算！
平時個咖央會跟兩塊牛油，但係真係太肥喇，所以我都係要走一走油。
多士同平時Ｄ方包差唔多，唔係厚果隻，咖央香香甜甜，加埋我最鐘意既薏米水（冇錯又係薏米水），薏米水小小甜，Ｄ薏米煙煙韌韌，仲健康去水添！


（９０後編按：我都好鐘意食咖央多士架！！甜甜地個包又脆，好食！）

翠華西多士

放假先嚟落雨，連個天都唔鍾意我？
今日放假小女80後，去咗濕一濕平！行行下好肚餓，但是由未係食晚飯嘅時候，所以腦海浮現出西多士嘅影像！！！可惡既腦海！.\/. 上次吃西多士已係好多年前嘅事喇，不過我仲記得喺赤柱嘅大排檔，唔洗點糖漿，因為西多士已經包咗糖漿先去炸，超好味。但係赤柱咁遠，仲要落住雨，今日就無咁既閒情逸志去食喇，粗粗地食注翠華先啦。

西多士炸到金黃香脆，蛋味都好濃，唔錯！但是我覺得西多士已經好油膩喇，所以我就將牛油拎開，廢時咁濟啦。不過就算冇左牛油佢都仲係咁香，真係ＯＫ！
為咗令我個良心好過啲，所以叫咗杯檸檬薏米水！我最鐘意檸檬薏米水，好好飲，同埋健康丫麻！

Time Square Foor Court

下雨天總掛念從前….
今天黎到Times Square 嘅 Food Court合
唔知點解今日FOOD COURT多人到爆! 係咪因為落雨呢? 毒L一個都要搵一陣先搵到位
今天我食咗醉雞餐，諗住快D丫麻，但是都要等左陣先有
嗰餐裡面喺包括，一碗菜飯，湯，醉雞，前菜小食，一杯飲品成為 ,62蚊大大份,夠哂豐富!一嗰男人食一定飽,更何況我呢個弱質女流呢哈哈
我好喜歡食醉雞，係因為我好鍾意花雕嘅味道。呢到嘅醉雞好滑，仲有酒香係已經好入味！！菜飯有啲冧但係都好大碗架! 碗湯係味精湯，不用多說。而呢一個set喺銅鑼灣嚟講，都叫好食得黎算抵架喇！
差啲唔得咗講前菜小食每一次都是拍黃瓜，好好味！因為我愛蒜頭~~~~~ 如果你唔鍾意蒜頭或晏晝有會要開或同見人，咁你就蒜狗掃把啦～～～～

Classified

我要和陽光玩遊戲!!!!!
見早排天氣咁正！ 決定走落西貢出吓海， 曬下太陽。
曬之前肚餓喎！咁緊係去搵食先啦！係個腦入面有種聲音同我講要我食Egg Benedict，所以我決定去西貢Classified，即刻打去留個位！
入到去，侍應好開心咁歡迎我們，安排我們坐喺角落頭，無咁嘈。 餐廳有Ｄ細，唔算係好闊落～
一大早，真喺需要一杯咖啡，醒醒晨！我同朋友都叫咗杯Cappuccino！Ｄ奶打得唔錯！幾好！話咗要食Egg Benedict！一見到MENU唔洗諗就揭去EGG BENEDIT 到喇！

 

我叫咗煙三文魚嘅 Egg Royale，三文魚無腥味，Hollanddaise sauce 好香濃，好滑，一切落去Ｄ蛋黃慢慢地流出，正！！朋友叫咗2雞蛋配HAM，嗰SET 喺跟一塊多士同番茄嘅，普普通通啦！

食貨嘅我，當然誤會食咁小啦，所以叫多咗嗰PANCAKE Share食，咁就中伏了。。。。。
PANCAKE 一上檯，見到佢白SAI SAI，立刻心中一沉，EHHHHHHHHHH好明顯係undercook嘅情況，仲有嗰啲香蕉，其實只要砌下佢上碟喺會 present好好多, 算啦，試吓先啦都係!

因為喺menu 到講左佢既PANCAKE係用 Buttermilk 做嘅 ，所以我都勁期待架！一切之後，已經見到中間係唔熟嘅，唔洗試，立刻退反去。侍應見到都無講啲咩，只係話將會幫我地CANCEL左呢樣佢。

Overall都是OK嘅，見到佢地有啲SMOOTHIES，下次會試下！

Blue butcher

今日黎到時中上環嘅Blue Butcher 同新同事仔食lunch, 之前已經試過佢哋黑松露嘅薯條，簡直好似中毒一樣，好想第二日返去再食過。

Lunch 係包括salad buffet + 你所選的Main + unlimited 的雪條（黑松露薯條加＄30）





Salad buffet
沙律buffet係每一次都唔同! 每個沙律都好新鮮，當日我已經去嘅時候已經遲左喇!!!!! 嗚

今日揀咗我好想食嘅burger ！切落去果陣啲汁已經bittttt~晒出嚟，個包個面脆卜卜，嗰個番茄同肉汁完全流晒出嚟! 未食落去已經流晒口水啦個樣咁正!，本來係waitress落單嗰陣時想要個burger medium rare， 之後個侍應姐姐話個burger嗰個肉係出嚟已經係medium rare，火候真係控制得好好！一啲都唔乾，講真句食咗沙律之後再食過咁大嘅burger真係好L飽，所以我淨係食咗一半包返其他拎走

嗰個黑松露嘅薯條薯條係好好食好好食好好食，(很重要所以要講三次)，上邊滲咗黑松露同芝士碎，記得一定要叫佢比黑松露沙律醬(truffle mayo) !呢一個醬汁真係唔係講笑， 黑松露味超濃!如果你唔鍾意黑松露味就算啦咪鬼叫呢個，但係！如果你係好似我一樣咁鍾意去食黑松露的話，你會覺得自己上左天堂飄飄然既感覺，冇呃你架真係好正！

我嘅同事仔就叫咗個炸雞係高級版嘅KFC配上特製嘅BBQ sauce。 我試咗一啖，覺得有啲乾，不過雞味都幾重既，唔錯咁啦！

暌記潮州飯店

因為有個朋友係新蒲崗附近玩槍，佢樓下就有間潮州打冷，叫暌記，咁我地去試下啦！

我地叫左個鹵水大拼盤，但係呢個拼盤又唔可以拼鵝片，但係我地又好想食喎，唯有另嗌啦！

呢個大拼盤值得一讚！因為佢有樣野好正，就係佢既墨魚片喇！佢做到非常爽口，好有味，唔似平時出面唔知食左d咩冇咩味果隻。真係非常非常好食！拼盤入面有鵝腸，紅腸，芽菜，鹵水豆腐同大腸既，每一樣野都好出色！連紅腸都好好食喎竟然！因為佢既精髓就係佢豉油做得非常之好！佢個鹵水就係帶甜，本身我都好鐘意食甜d既汁，所以我覺得好好食！

不過鵝片就麻麻喇，都幾鞋下，雖然佢幾薄，但係食完會有渣，not good not good。

朋友熱烈推介我地食蠔仔粥同炸蠔餅，呢個蠔仔粥好足料，一煲入面有好多蠔仔！加埋d肉碎又真係好好食喎！好鮮味，完全唔洗加胡椒粉。個蠔餅炸得好鬆脆，仍然都係好多蠔仔好足料！不過因為d粉漿吸哂d油，我覺得比較油膩。

最後緊係要整返個菜，叫左蒜頭炒A菜。炒得好好，好有獲氣，條條都會掛到少少清湯。唔會太油同太咸，炒得非常之好食！最後叫左炒沙芋，炒沙芋姐係將糖同一條條既芋頭一齊炒，炒到芋頭熟哂為止。你睇到佢個樣可能會以為佢好甜，但又唔係喎！拎起時面頭d糖會跌哂落去，所以食落就岩岩好！不過食落去好熱，唔小心辣親個嘴，大家食果時要小心d呀！

呢間我覺得係值得推介，佢係馬會附近，去開新蒲岡既就去試下啦！

暌記潮州飯店

新蒲崗康強街32號地下12號舖

Foxtail & Broomcorn

今日80後既lunch就去左foxtail! 呢間鋪頭專食麵 。一入到去嘩我以為自己入左間西餐廳！佢既裝修用左好多鏡面，以湖水藍為主色，坐得幾舒服。雖然我入去既時候唔係話好多人，但我諗就算full哂時都應該唔會話坐得迫。

有8－10種麵比你揀，話多唔話，話少唔少咁啦。我今日揀左tokyo 麵。呢個麵底就好似拉麵咁，湯就好似係雞湯。配上溫泉蛋，木耳，芫茜，大蔥，冬菇同埋牛肋骨既料。食出黎感覺唔錯，湯底好清好清，因為佢標榜冇味精！冬菇唔算好多，得幾塊，但係好滑好滑。佢個牛肋骨炆到好淋好淋，但都唔會一咬就散，亦都唔多肥肉係上面。木耳條爽脆。一碗麵70－90蚊左右，份量充足，夠食飽一個男人！

頭先講到以為自己入左西餐廳，原來呢間鋪既老細真係外國人黎！老細係瑞士人！佢就想做亞洲既麵但係又想迎合西式市場，話哂間鋪頭係上環，多d外國人。但我覺得對香港人都係另一種嘗試，試下d唔同既麵！你知啦打工仔食lunch唔係飯就麵架啦！

Foxtail & Broomcorn
上環蘇杭街84號地下