源記甜品
源記甜品係一間好舊式既糖水鋪,所以賣既糖水都係最老土最舊果D。雖然老土,但係佢個桑寄生蓮子雞蛋茶好好飲。
佢係西營盤b2出口行幾分鐘就到,門口好舊式,如果你隻眼同我隻眼一樣咁大就好易會睇過龍,見到對面有間屈人錢 (watsons)就係果到喇。
舊式門面 |
我不嬲都好鐘意桑寄生蓮子雞蛋茶,又好飲啦又補啦,同埋最岩女人飲。好多間既我都飲過,但我覺得呢間做得比較好。味道大概好似茶同紅豆沙mix埋一齊咁。蓮子有趙頭,唔會一咬就溶。佢粒蛋蛋都煲得好夠時間,蛋黃都入哂味。
隻蛋超入味 |
其他我試過既,好似池記既桑寄生蓮子雞蛋茶,我覺得太多紅棗,另一間我食過既浩記就覺得太重藥材味,但呢間源記我就覺得岩岩好。
價錢唔算平,27蚊。另外仲食左個蒸蛋糕,好有蛋味,但我覺得太乾,唔洗講太多。
沒有留言:
張貼留言