福元湯圓

福元湯圓

另一間想講講既糖水鋪係福元既芝麻湯圓，係我每次食湯圓一定要去既地方，咁講可能好似好誇，但真係我成世人食過最好食既湯圓，如果有邊個發現有湯圓好食過呢間，歡迎話我知等我去試下。福元係炮台山地鐵站附近，行５分鐘到。

皮薄餡靚

佢有芝麻湯圓同花生湯圓，我鐘意食芝麻多Ｄ。佢既湯圓老土Ｄ講，皮薄餡靚，咬落去Ｄ芝麻餡沖哂出黎。我平時鐘意食凍綠豆沙加熱湯圓，溫度就會岩岩好。值得一提既係佢既綠豆沙係打蓉左既，唔會有豆衣痴牙，同佢冇咩臭草味，食落好FRESH，岩岩好BALANCE 返湯圓既油膩感。

凍綠豆沙加熱湯圓

唔只綠豆沙，佢其他糖水都係生磨，鐘意食滑滑糖水既人就岩哂。