IN-N-OUT BURGER

WOW WOW WOW!!!! 粉紅色乳頭，可遇不可求。就係我地準備出去食LUNCH 之際，偉大既既FACEBOOK 突然FEED左條NEWS出黎，IN-N-OUT BURGER今日POP-UP!!! 仲要係正銅鑼灣，11點開賣，只賣250個，身處老銅，祟拜美國BURGERS既我地， 唔係唔去食呀麻！就係咁，望住個鐘，一到一點就衝左出去位於百樂中心一樓既BARG，食返個IN-N-OUT BURGER喇!

去到已經排緊隊，不過唔算好長，職員就比左條手帶我地，一條手帶只可以叫一份，唔可以幫FD叫埋架。

排緊隊既時候我地八卦就問下係咪係香港開呀，不過職員就話唔係呀今次做PROMOTION 咋，其實每隔一年都會做一次既。

我地叫左份DOUBLE-DOUBLE餐，一份CHEESE BURGER 餐，好可惜今次冇薯條，得CHIPS。 價錢超抵，同老麥差唔多，DOUBLE-DOUBLE 35蚊，CHEESE就30蚊有得食。嗌完可以拎左飲品先，仲有紀念品拎，係一個鎖匙扣黎，簡稱係又食又拎。

落完ORDER 職員就安排庭位比我地坐，生意太好，所以都有等一排先有得食。等既期間呀吃貨見到職員既T-SHIRT 幾靚，就問佢幾錢，原來20蚊就得，所以吃貨就即刻埋左件喇。我地等左半個鐘，終於都黎喇YEAH!!!!!!

DOUBLE DOUBLE

CHEESE BURGER

佢既最特別之處就係醬汁。佢既醬汁有煙薰既感覺，配上整片洋蔥，帶出到好重既洋蔥味，不過如果你唔鐘意食洋蔥，可以落單時叫佢走洋蔥。

牛肉唔係屬於ＪＵＩＣＹ果隻，但好挺身，超重牛肉味，但都好味既。蔬菜好新鮮，D菜同蓄茄充滿水份，咬落去SOKSOK聲。係肉感同FRESH感中間攞返個BALANCE。至於CHEESE BURGER 入面既芝士，味道唔算係好濃，但係我就覺得同Ｄ醬同牛配合得岩岩好。

個包有微微TOASTED，鬆軟，包皮光滑唔係有芝麻果隻，個包吸收哂Ｄ醬，所以包都好有味，而且醬汁份量唔會太多，唔會漏哂出黎。

包用淋膜紙包住，再加一層普通既紙，食既時候唔會痴到張紙同搞到成手都係，好方便。

至於個薯片，就係普通既薯片。係咁架啦，比3,40蚊有個正包食，唔通要求即炸薯片咩。

走既時候條龍已經排到樓下，好彩我地早到，唔係實食唔切。

食飽飽，超開心！咁都比我地遇到！　

恆發雞蛋仔

傳說中恆發雞蛋仔我終於都有機會領會到佢有幾好食。芋頭餡雞蛋仔，超足料，真係不得了。

星期日我由屋企出發，搭小巴落觀塘，見順路就轉個靚彎去食呢個超出名既雞蛋仔。一去到超多人排隊，咁我就乖乖跟住排隊尾啦。一路排一路諗食咩味，佢有好多隻味，有芋頭，紅豆，朱古力，芝麻，芝士。排到咁上下有個哥哥黎問要咩，我超鐘意食芋頭，所以我用左0秒就決定要芋頭，仲有排得咁Q辛苦，緊係試多隻味，就揀芝士啦。

排排排排排排，由我開始排隊果刻，到我拎到餅雞蛋仔，我足足用左半個鐘。普通既雞蛋仔我緊係唔會排咁耐啦肯，痴線咩。但係呢一間既，就算要排咁耐，我都覺得值！

間鋪有一概８個爐左右，你嗌完佢就會即刻整架喇。因為佢超足料，唔會同你慳蛋漿，唔似得有D雞蛋仔個殼入面咩都冇，所以等既時間要耐Ｄ。Ｄ蛋漿煮左一陣，佢就落餡料喇。個姐姐仲話Ｄ芋頭係每日係街市買返黎再整，保證新鮮，唔係現成買返黎。

夾返埋之後，最後仲會係兩邊倒漿封邊，你話，有幾可會咁好同你封邊。

整左３，４分鐘，再等多一兩分鐘，吹吹就食得

超鐘意芋頭既我，第一啖緊係食芋頭啦。嘩一食落去外脆內暖，餡料超豐滿，芋頭仲多過蛋漿，一粒粒咁好有咬口，而且唔會太甜。好有蛋香，真係好好食，唔洗半個鐘我一個人隊哂成餅。

另一餅芝士味呢，我就略嫌唔夠芝士味喇。因為佢係一塊平時夾面飽既芝士FOR一餅，所以唔係好夠分，呢餅我就拎返屋企食喇。

恆發係觀塘地鐵 A1出口， 經裕民坊連住同仁街協和街行上去，行十分鐘到就到喇。

福元湯圓

福元湯圓

另一間想講講既糖水鋪係福元既芝麻湯圓，係我每次食湯圓一定要去既地方，咁講可能好似好誇，但真係我成世人食過最好食既湯圓，如果有邊個發現有湯圓好食過呢間，歡迎話我知等我去試下。福元係炮台山地鐵站附近，行５分鐘到。

皮薄餡靚

佢有芝麻湯圓同花生湯圓，我鐘意食芝麻多Ｄ。佢既湯圓老土Ｄ講，皮薄餡靚，咬落去Ｄ芝麻餡沖哂出黎。我平時鐘意食凍綠豆沙加熱湯圓，溫度就會岩岩好。值得一提既係佢既綠豆沙係打蓉左既，唔會有豆衣痴牙，同佢冇咩臭草味，食落好FRESH，岩岩好BALANCE 返湯圓既油膩感。

凍綠豆沙加熱湯圓

唔只綠豆沙，佢其他糖水都係生磨，鐘意食滑滑糖水既人就岩哂。

源記甜品

源記甜品

源記甜品係一間好舊式既糖水鋪，所以賣既糖水都係最老土最舊果Ｄ。雖然老土，但係佢個桑寄生蓮子雞蛋茶好好飲。

佢係西營盤b2出口行幾分鐘就到，門口好舊式，如果你隻眼同我隻眼一樣咁大就好易會睇過龍，見到對面有間屈人錢　（watsons）就係果到喇。

舊式門面

唔算太多選擇

我不嬲都好鐘意桑寄生蓮子雞蛋茶，又好飲啦又補啦，同埋最岩女人飲。好多間既我都飲過，但我覺得呢間做得比較好。味道大概好似茶同紅豆沙mix埋一齊咁。蓮子有趙頭，唔會一咬就溶。佢粒蛋蛋都煲得好夠時間，蛋黃都入哂味。

隻蛋超入味

其他我試過既，好似池記既桑寄生蓮子雞蛋茶，我覺得太多紅棗，另一間我食過既浩記就覺得太重藥材味，但呢間源記我就覺得岩岩好。

價錢唔算平，２７蚊。另外仲食左個蒸蛋糕，好有蛋味，但我覺得太乾，唔洗講太多。

Bistro Du Vin

Bistro Du Vin

上個禮拜我呢個80後吃貨就同男朋友去左間法國餐廳撐枱腳，佢就揀左呢間法國餐廳。就係喺西營盤既Bristro Du Vin。我地睇完網上ｄ食評都好期待，個feel 好似好好食咁。不過結果係點，睇埋落去就知。

間野係mtr附近，A出口，行過去都幾近，十分鐘到，唔算難搵。

入到去氣氛唔錯，都係果ｄ西式餐廳配上柔和既燈光。但係Ｄ位比較窄。但係張枱既設計非常細心，有兩個勾仔，可以掛起個袋，侍應都好好SERVICE，會主動幫你掛袋。

坐低之後就緊係想飲杯水先，侍應問完我地想要Still 定Mineral Water，我地揀左普通既水。欣勤既侍應又走埋黎講下d special offer，不過我地就想自己睇下個menu 先。嗌完野食d麵包就黎到，個麵包幾好食，個牛油唔係硬到飛起要你用盡吃奶既力先搽得暈果隻，好SMOOTH既。

我叫左個炒BB魷魚，用左牛油，鹽，胡椒炒啦。咁我唔食西式香芹既，咁咪叫個走芹。個侍應再DOUBLE CONFIRM我，真係要再再講多次，個侍應真係好鬼欣勤。個BB 魷魚食得出係新鮮，不過個賣相就真係麻麻，你望下下面張相，勁似白烚魷魚。同埋估下呢碟野幾錢，睇完張相開估。

茶記樣子的BB魷魚

好開估，呢碟野190蚊。係190!!!!!!!!! 雖然係好食，但係真係貴左Ｄ，性價比屬性偏低，你想食都可以叫黎試既，如果你多錢既話。

我男朋友叫左蒜蓉香草蝸牛。間野就有比個夾你夾Ｄ蝸牛出黎既，不過痙攣既我地，就唔好意思喇手指唔係好靈活，唔識用呢個夾，最後低低能能咁用手指。呢碟蝸牛好香，用黎配頭先既麵包直頭PERFECT池。所以我地秒速食哂左碟麵包喇。

香噴噴蝸牛

再再再講多次，侍應服務真係好好，好快就收左我地隻碟上MAIN COURSE喇，我地叫左乳豬，本身想叫肚腩位，不過冇哂，咁咪食佢條腿。個皮好脆，但係肉質比起葡式同港式既就乾左Ｄ，不過仍然嫩滑，但有少少油膩感。旁邊配上炒酸榔菜，順帶一提，我男朋友係德國人，佢屋企就食開炒酸菜，佢覺得好正宗，好似返左屋企咁。但係可能唔係我岩我口味，我就覺得酸左Ｄ。

十八歲卜卜脆

呢個薯蓉上既時候已經凍左，唔係走smooth 既路線，係有好多粗薯仔粒。我個人喜好食smooth，同埋細心既侍應突然唔細心咁忘記左我唔食芹，所以決定隊哂比男朋友食，點知佢都唔食sosad。

粗獷的薯蓉

最後仲有個紅酒燴牛肉面豬登，佢係用法國Le Creuset靚煲上。有蘑菇，紅蘿蔔，香草。我建議一個煲可以兩個人分黎食，一個人食哂佢就太漏喇。碟野既重點係ｄ汁到，紅酒份量岩岩好，唔會話落得太多汁會苦過deedee。塊面豬登炆得好林，膠汁出哂黎。而且我覺得呢個價錢岩岩好，夠哂火候，面豬登亦唔係平既食材，性價比值超高！推介！！

推介之選！

食飽哂，因為附近既枱都係多人gathering 緊，好嘈，同埋唔知做乜野d侍應係結尾既時候黎個大反轉，冇啦啦係隔離個bar到polish d餐具，king king clown clown 咁，做咩啫….. 因為太嘈，所以決定唔食甜品就走lu。

總結：男朋友飲左杯酒，２個人埋單$1012　有ｄ貴 。如果想搵d靜d既餐廳，呢間就唔係幾岩啦。同埋食完之後同我既期望都差幾遠，冇咩特別我都唔會再去食架喇。同級既法國bristol我會有其他選擇。

http://www.openrice.com/zh/hongkong/restaurant/%E8%A5%BF%E7%92%B0-bistro-du-vin/113510